Сом мелуани 149-рэ къыIэрохьэ

 «Лышх узыфэхэм пэщIэтын» лъэпкъ проектыр гъэзэщIэным ипкъ иткIэ 2019 гъэм федеральнэ бюд­жетым къыхэкIыу Къэбэрдей-Балъкъэрым къы­Iэ­ры­хьэнущ сом мелуани 149-рэ.
 Мылъкур трагъэкIуэдынущ республикэм лышхым щеIэзэ и IэнатIэр узыр къызэрахутэ иджырей Iэмэп­сы­мэхэмкIэ къызэгъэпэщыным. Абы хэтынущ эндоскоп, маммограф, ягъэIэпхъуэ рентген аппаратурэ икIи Iэмал къаритынущ а узыфэм ехьэлIауэ щIыналъэм щрагъэкIуэкI къэхутэныгъэм, зэреIэзэм и фIагъым хагъэ­хъуэну.
 КъищынэмыщIауэ, дызытехьа илъэсым я мурадщ ФIэкIыпIэ зимыIэ медицинэ страхованэмкIэ фондым и мылъкукIэ а унэтIыныгъэмкIэ къызэрагъэпэщ ­медицинэ дэIэпыкъуныгъэхэм хагъэхъуэну, хирургием зрагъэужьыну, Онкодиспансерым реанимацэ къудамэ къы­щызэIуахыну.
 «Лышх узыфэхэм пэщIэтын» лъэпкъ проектымкIэ  2019 - 2024 гъэхэм республикэм къыIэрыхьэнущ сом мелуан 700-м щIигъу.

КъБР-м и Iэтащхьэмрэ Правительствэмрэ я пресс-IуэхущIапIэ.

Свежие номера газет Адыгэ псалъэ


15.01.2019
14.01.2019
10.01.2019
09.01.2019