Управленэм и унафэщIыр и IэнатIэм пэроувэ

 КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек Пра­вительствэм и Унэм и щыхуэзащ Тезырхэр егъэпшынынымкIэ  федераль­нэ къу­лыкъущIапIэм шынагъуэншагъэр къызэгъэпэщынымкIэ и управ­ленэм и унафэщI Шмидко Андрей. Абы КъБР-м и Iэтащхьэм и къалэнхэр пIалъэкIэ зыгъэзащIэм иригъэцIыхуащ Тезырхэр егъэпшынынымкIэ федераль­нэ къулыкъущIапIэм и Управленэу ­республикэм щыIэм и унафэщIу иджы­благъэ ягъэува Лыхь Аслъэн.
 КIуэкIуэ Казбек къыхигъэщхьэхукIащ къулыкъу лъагэ зыхуагъэфэщар и лэ­жьыгъэм зэрыхуэIэкIуэлъакIуэр икIи  абы къыхэкIыу къыбгъэдэхуэ къалэнхэр нэгъэсауэ игъэзэщIэфыну къызэрилъы­тэр. 
 ЗэIущIэм щытепсэлъыхьащ тезырхэр егъэпшынынымкIэ IэнатIэм и лэжьыгъэм и унэтIыныгъэ нэхъыщхьэхэм, республикэм и къэрал властым и органхэмрэ а IэнатIэмрэ я зэпыщIэныгъэхэр гъэбыдэным.

КъБР-м и Iэтащхьэмрэ Правительствэмрэ я пресс-IуэхущIапIэ.

Свежие номера газет Адыгэ псалъэ


16.04.2019
15.04.2019
11.04.2019
09.04.2019