Былымгъуэт Борис Хъусен и къуэр

И ныбжьыр илъэс 84-м иту, куэдрэ сымэджа нэужь, дунейм ­ехыжащ медицинэ щIэныгъэхэм я доктор, профессор, Къэбэрдей-­Балъ­къэ­рым нейрохирургие унэ­тIыныгъэр щызэтезыубла Былым­гъуэт Борис ­Хъусен и къуэр. 
Ар 1937 гъэм Хьэтуей къуажэм къыщалъхуащ, Дагъыстэн медицинэ институтым щIэныгъэ нэхъыщхьэ щызригъэгъуэтащ. Нейрохирург IэщIагъэм щыхуеджащ Ленинград медицинэ институтым. 
Нобэ Борис игъэсауэ а IэнатIэм пэрытхэм я бжыгъэр мащIэкъым. Езыр Урысей псом къыщацIыху профессорт, щIэныгъэ, егъэджэныгъэ-методикэ лэжьыгъэу 90-м щIигъу и Iэдакъэ къыщIэкIащ. Профессор Былымгъуэтыр Естественнэ щIэныгъэхэмкIэ Урысей академием и член-корреспондентт, Нейрохирургхэм я урысей, европей, дунейпсо зэгу­хьэныгъэхэм хэтт. 
Былымгъуэт Борис псэуху и IэщIагъэм хуэпэжащ, и лэжьэгъухэми ­игъэхъужахэми я деж пщIэшхуэ къыщилэжьащ. 
Къэбэрдей-Балъкъэрым и доху­тыр лъэрызехьэу, щIэныгъэлI емы­зэшу, цIыху нэсу щыта Былымгъуэт Борис Хъусен и къуэм и фэеплъ нэхур куэдрэ дигу илъынщ. 

Ныбжьэгъу гуп.

Свежие номера газет Адыгэ псалъэ


30.11.2020
27.11.2020
25.11.2020
23.11.2020