Печатная версия газеты "Адыгэ псалъэ" на портале СМИ КБР

Урысей гвардием КъБР-м щиIэ ­къудамэм и дзэ часть щхьэхуэм «Наш дар во имя жизни» фIэ­щыгъэр иIэу лъы яту псапащIэ Iуэху щхьэпэ илъэсыщIэм и пэ къихуэу щрагъэкIуэкIащ. Ар къызэрагъэпэщащ щIыналъэ къудамэм и уна­фэщI­хэмрэ Лъы щат республикэ станцымрэ зэгъусэу.
Псом япэу дохутырхэм лъы зы­тынухэм я узыншагъэр къапщытащ. Сыхьэт зыбжанэм къриубы­дэу цIыху 50-м щIигъум лъы литр 32-рэ ятащ Къэбэрдей-Балъкъэрым и медицинэ IуэхущIапIэхэм папщIэ.

Урысей Федерацэм и Лъэпкъ гвардием Кавказ Ищхъэрэ щIыналъэм щиIэ дзэ округым уэрэдымрэ къа­фэмкIэ и ансамблым ХьэтIохъущыкъуей къуажэм дэт кадет школым махуэшхуэ концерт щитащ. Гупым и унафэщIыр Шэшэн Республикэм ­гъуазджэхэмкIэ щIыхь зиIэ и лэ­жьакIуэ, Ингуш Республикэм щIыхь зиIэ и артист, Урысейм и МВД-м гъуазджэм ехьэлIауэ игъэува ахъшэ саугъэтым и лауреат подполковник Бурмистров Василийщ. 
Кадетхэр ирагъэдэIуащ сэлэт уэ­рэдыжьхэми иджырейхэми, урыс, хамэ къэрал классикэ макъамэхэм, лъэпкъ къафэхэм ирагъэплъащ. 

ЩIышылэм и 11, щэбэт

«Адыгэ псалъэм» и нобэрей къыдэкIыгъуэм ди щIэджыкIакIуэхэр къы­­зэрыдгъэгугъа, тхы­лъи­щу зэхэлъ, Къаныкъуэ ­Анфисэ и романышхуэм и Iыхьэ ещанэр къыте­дзэн щIыдодзэ.

1942 гъэм шыщхьэуIум и пэщIэдзэм фашистыдзэр Къэбэрдей-Балъкъэрым къихьащ. Ди щIыналъэм пIалъэ кIэщIкIэ щагъэув гуащIэрыпсэухэр еуды­хы­ным и «хабзэр».
37-нэ армэм и унафэщI­хэм щIыгъуу фашистхэм зэребэныным кадрхэр хуэгъэхьэзырынымкIэ лэжьыгъэшхуэ зэфIигъэкIащ ком­сомолым и Къэбэрдей-Балъкъэр обкомми. Абы игъэхьэзырри, бийм и ты­лым игъэкIуауэ щытащ комсомолецу 100-м щIигъу. Абыхэм ящыщ куэдым я къалэныр щIыхь пылъу ягъэзэщIащ.

ПщIэ зыхуэсщI ныбжьэгъухэ!
Фи IэщIагъэм ирилажьэхэм я махуэш­хуэмкIэ - Урысей печатым и махуэмкIэ - си гуапэу сынывохъуэхъу.

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал уни­верситетым иджыблагъэ ще­кIуэ­кIащ хи­мие щIэныгъэхэм я­ доктору, философие щIэныгъэхэм я кандидату, СССР-ми ­УФ-ми ЩIэныгъэхэмкIэ я Академием и член-корреспонденту щыта Жданов Юрий и фэеплъ пшыхь. 
ЩIэныгъэлIыр ягу къагъэ­кIы­жыну зэIущIэм къекIуэлIат университетым щезыгъаджэхэр, студентхэр, апхуэдэу ар зыцIыхуу, лэжьыгъэ IуэхукIэ нэIуасэ хуэхъуауэ щытахэри. 

Ди газетым зэрытетащи, дыгъэгъазэм и кIэм Налшык ще­кIуэкIащ Дунейпсо Адыгэ Ха­сэм и ГъэзэщIакIуэ гупым я зи чэзу зэIущIэ. Абы хэтащ ­Тырку, Иордание, Израиль, Сирие, Ливан, Абхъаз къэралыгъуэ­хэм, Адыгей, Къэрэшей-Шэрджэс, Къэбэрдей-Балъкъэр рес­публикэхэм, Ставрополь, Краснодар щIыналъэхэм щыIэ Хасэ къудамэхэм я лIыкIуэхэр.

Налшык къалэм дэт «Лицей №2»-м муниципальнэ кIэзонэ еджапIэм и лэ­жьакIуэхэр хуабжьу дигъэщхьэжэгъуащ цIыху гъуэзэджэ, зэ­фIэкIышхуэ зыбгъэдэлъ къызэгъэ­пэщакIуэ, школым и унафэщI Мэлба­хъуэ Борис Къасболэт и къуэр илъэ­сыщIэм ипэ къихуэу дунейм зэрехыжам.

Егъэджэныгъэ и лъэныкъуэкIэ къэ­ралым къигъэув стандартыщIэм тету Налшык къалэм егъэ­джэныгъэмкIэ и департаментым лъэпкъыбзэхэр егъэ­джы­нымкIэ и къудамэм къы­зэригъэпэщауэ къалэ кIуэцIым щыIэ сабий садхэм адыгэбзэкIэ семинархэр щрагъэкIуэкI. Зи чэзу Iуэхур иджыблагъэ щызэхэтащ прогимназие №41-м. Хьэ­щIэхэу яхуеблэгъат Налшык ­къалэ егъэджэныгъэмкIэ и депар­таментым лъэпкъыбзэхэр егъэ­джынымкIэ и методист ЛIы­Iэщын Людмилэ, къалэм дэт сабий садхэм адыгэбзэр щезыгъэджхэр.