09.12.2019, 11:33
-
Статья
ЩыIэщ цIыху, ар нэгъуэщIхэм къебгъэцIыхун щхьэкIэ псалъэ лей ущыхуэмыныкъуэ. Апхуэдэр цIэрыIуэ мэхъу езым игъэлъэгъуа щапхъэкIэ, и IуэхущIафэ дахэкIэ, и дуней тетыкIэ екIукIэ.
09.12.2019, 11:26
-
Статья
Апхуэдэ фIэщыгъэ иIащ Шэджэм къалэм дэт ЩэнхабзэмкIэ унэм иджыблагъэ щекIуэкIа, КIыщ Мухьэдин и щIыхькIэ къызэрагъэпэща хэгъэгу фестиваль-конкурсыр зэрызэхуащIыж концертым. Къызэхуэсахэр япэщIыкIэ ирагъэплъащ «Си лэжьыгъэр. КIыщ Мухьэдин» документальнэ фильм кIэщIым. ИужькIэ абыхэм Iэмал яIащ сурэтыщI гъуэзэджэм и IэдакъэщIэкIхэр видеокIэ зрагъэлъагъуну.
09.12.2019, 11:06
-
Статья
Иджыблагъэ Налшык щекIуэкIащ «Иджырей Урысейм ислъам щэнхабзэр зэрыщызекIуэр: и щытыкIэмрэ зиужьынымкIэ щыIэ Iэмалхэмрэ» къэралзэхуаку щIэныгъэ-практикэ конференц.
09.12.2019, 11:04
-
Статья
КъБР-м и Iэтащхьэ КIуэкIуэ Казбек республикэм и Правительствэм и УнафэщIхэмрэ абы хэтхэмрэ я зэIущIэ иригъэкIуэкIащ лъэпкъ проектхэр гъэзэщIа зэрыхъур къэпщытэным теухуауэ.
05.12.2019, 14:01
-
Статья
Мэзкуу къалэм щекIуэкIащ лIэужьыгъуэ псори зыхэт каратэмкIэ япэ дунейпсо чемпионатрэ зэхьэзэхуэрэ. Лъэпкъ спортым и зыужьыныгъэм и дежкIэ ар Iуэхугъуэшхуэщ. Зэхыхьэм хэтащ къэрал 30-м къикIа спортсмен 1500-м нэблагъэ.
Урысей Федерацэм и командэ къыхэхам хэту зэхьэзэхуэм щызэуащ КъБР-м щыщ спортсмен 18 икIи ди къэралым медаль зэмылIэужьыгъуи 7 къыхуахьащ.
05.12.2019, 13:59
-
Статья
ЩIалэгъуалэмрэ сабийхэмрэ я творчествэмкIэ республикэ уардэунэм 3 - 5-нэ классхэм щIэс еджакIуэ цIыкIухэм папщIэ къызэригъэпэщ «Си Къэбэрдей-Балъкъэр» зэпеуэр мы махуэхэм екIуэкIащ.
05.12.2019, 12:35
-
Статья
«Нартхэм я фIыгъуэр» фIащауэ сабийхэмрэ ныбжьыщIэхэмрэ папщIэ ирагъэкIуэкI фестиваль-зэпеуэм евразие къэралыгъуэ зыбжани къызэщIиубыдащ.
05.12.2019, 12:31
-
Статья
Куэдым фIыкIэ къацIыхуа бгырыкIуэ Iэзэ Шыбзыхъуэ Казбек щэкIуэгъуэ мазэм Европэм щынэхъ лъагэ дыдэу къалъытэ Iуащхьэмахуэ аргуэру дэкIащ.
|
|
|
|
|
|
3 декабря, 2019 - 09:00
Лэжьыгъэ IуэхукIэ Къэбэрдей-Балъкъэр Республикэм щыщыIам Урысей Федерацэм и Правительствэм и УнафэщIым и къуэдзэ Мутко Сергей УФ-м Кавказ Ищхъэрэм и IуэхухэмкIэ и министр Чеботарёв Сергей щIыгъуу еплъащ социальнэ мыхьэнэ хэха зиIэ проектхэр республикэм зэрыщагъэзащIэм.
КъБР-м и Правительствэм и УнафэщI Мусуков Алий ящIыгъуу Мутко Виталийрэ Чеботарёв Сергейрэ Налшык и Александровкэ хьэблэм щащI зыгъэпсэхупIэм еплъащ. А лэжьыгъэр ирагъэкIуэкI «Къалэр зэIузэпэщ щIыныр» щIыналъэ проектым хиубыдэу.
3 декабря, 2019 - 08:43
Ди газетым зэрытетащи, Урысей Федерацэм и Президент Путин Владимир Налшык къалэ щригъэкIуэкIащ УФ-м и Президентым деж Лъэпкъ зэхущытыкIэхэмкIэ щыIэ советым хэтхэм я зи чэзу зэIущIэр. Абы щыхэплъащ Урысей Федерацэм и къэрал лъэпкъ политикэм къигъэув къалэнхэмрэ Iуэхухэмрэ гъэзэщIа зэрыхъум.
ЗэIущIэм хэтащ УФ-м Кавказ Ищхъэрэм и IуэхухэмкIэ и министр Чеботарёв Сергей, УФ-м и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Матовников Александр, КъБР-м и Iэтащхьэ КIуэкIуэ Казбек сымэ.
2 декабря, 2019 - 09:33
Котляровхэ Викторрэ Мариерэ я тхылъ тедзапIэм иджы дыдэ къыщыдэкIащ «Первостатейный ботаник, кругосветный путешественник и симпатяга…» тхылъыр. Ар къыдагъэкIащ Къэбэрдей-Балъкъэрым и биологие щIэныгъэм хэлъхьэныгъэфI хуэзыщIа Кос Юрий Иван и къуэр (1889 - 1961) къызэралъхурэ мы гъэм илъэси 130-рэ щрикъум ирихьэлIэу.
Тхылъым хагъэхьащ Кос Юрий и гъащIэмрэ гуащIэмрэ теухуауэ Щхьэгъэпсо Сэфарбий итха очеркыр, щIэныгъэлIым къызэригъэпэща Къэбэрдей-Балъкъэр лъахэхутэ ботаникэ садым теухуа тхыгъэр, и щIэныгъэ лэжьыгъэхэм я библиографиер.
2 декабря, 2019 - 09:17
Тезырхэр егъэпшынынымкIэ федеральнэ къулыкъум и IуэхущIапIэу КъБР-м щыIэм щекIуэкIащ Уголовнэ-гъэзэщIакIуэ IэнатIэм (УИС) и ветераным и махуэм теухуа Iуэху гуапэ.
Абы кърагъэблэгъат Къэбэрдей-Балъкъэр республикэм и УИС-м и IуэхущIапIэхэм илъэс зэхуэмыдэхэм щылэжьа, а IэнатIэр зытезыгъэува ветеранхэр, иджырей я лэжьакIуэхэр.
Хъуэхъу, фIыщIэ псалъэ гуапэхэмкIэ ветеранхэм захуигъэзащ КъБР-м щыIэ УФСИН-м и унафэщI Лыхь Аслъэн.
2 декабря, 2019 - 09:14
IэнатIэ зэмылIэужьыгъуэхэм я лIыкIуэхэр кърихьэлIэу КъБР-м и Парламентым иджыблагъэ щекIуэкIа зэIущIэр теухуауэ щытащ льготэхэр зиIэ гупхэм хиубыдэ цIыхухэр хущхъуэхэмрэ узыншагъэр зэтезыгъэувэж шхыныгъуэхэмкIэ къызэрызэрагъэпэщым. Абы хэтащ КъБР-м и Парламентым и УнафэщIым и къуэдзэ Къардэн Мурат, КъБР-м и Iэтащхьэмрэ Правительствэмрэ я лIыкIуэу КъБР-м и Парламентымрэ суд оранхэмрэ щыIэ ДыщэкI Мадинэ, КъБР-м и Парламентым и депутатхэр, министерствэхэм, ведомствэхэм, узыншагъэр хъумэнымкIэ IуэхущIапIэхэм я унафэщIхэр.
2 декабря, 2019 - 09:06
Хэкумрэ хамэ къэралхэмрэ зэпищIэу, си лъэпкъэгъухэм нэхъ гъунэгъу сахуищIу, си анэдэлъхубзэкIэ щIыпIэ жыжьэм къыщызэпсалъэу сиIэщ сэ «Адыгэ псалъэр». Истамбыл сыдэс пэтми, пщэдджыжь къэс «къысIэрохьэ» мы газетыр. АбыкIэ сэбэпышхуэщ иджырей технологие Iэмалхэр. Адыгэ газетым и сайтым зэпэщу къралъхьэ тхылъымпIэм тету къыдэкI псори, электрон къыдэкIыгъуэри удэзыхьэхщ.
2 декабря, 2019 - 08:53
Налшык лэжьыгъэ IуэхукIэ къызэрыкIуам хыхьэ Iуэхухэм я кIэухыу, Путин Владимир IущIащ Къэбэрдей-Балъкъэрым и Iэтащхьэ КIуэкIуэ Казбек.
Путин Владимир: Казбек Валерий и къуэ, къызжеIэт, республикэм сыт и псэукIэ?
КIуэкIуэ Казбек: Псори хъарзынэщ, псори тэмэмщ. Япэрауэ, лъэпкъ куэд щызэдэпсэу Къэбэрдей-Балъкъэрым исхэм къабгъэдэкIыу фIыщIэ пхуэсщIыну сыхуейщ Къэбэрдей-Балъкэрым сыт щыгъуи къытхуэпщI гулъытэм папщIэ. Тхьэм уигъэпсэу. Нобэ Уэ ди деж укъызэрыкIуар ди Къэбэрдей-Балъкъэрым щыпсэу дэтхэнэм дежкIи пщIэшхуэщ.
2 декабря, 2019 - 08:50
Къэрал Думэм и депутатхэм щIыналъэхэм щрагъэкIуэкI тхьэмахуэ лэжьыгъэм хиубыдэу «Урысей зэкъуэт» фракцэм хэт Марьяш Иринэ Iуащхьэмахуэ районым щыIащ икIи Былым, Бедыдж, ЛашкIутIэ къуажэхэм ящыщу зи щхьэ IуэхукIэ къекIуэлIахэм яхуэзащ.
Тхьэусыхафэ, лъэIу зэмылIэужьыгъуэхэр яIэу а махуэм депутатым зыкъыхуагъэзащ цIыху 13-м. Абыхэм нэхъыбэу къаIэтар бынищ, нэхъыбэ зиIэ унагъуэхэм я псэупIэхэр егъэфIэкIуэнырщ, унэхэр зращIыхьын щIапIэхэр яхухэхынырщ.
2 декабря, 2019 - 08:41
Iуащхьэмахуэ, Бахъсэн районхэм ящыщ щIалэхэмрэ хъыджэбзхэмрэ хэтащ Гундэлэн къуажэм иджыблагъэ къыщызэIуаха зыгъэпсэхупIэм зегъэубгъуным икIи ар егъэфIэкIуэным теухуа лэжьыгъэм. Iуащхьэмахуэ районым и администрацэм щIалэгъуалэ политикэмкIэ и къудамэм и жэрдэмкIэ ирагъэжьа мы Iуэхум хиубыдэу щIалэгъуалэм а махуэм мыIэрысей 20 хасащ.
Нэхъ япэкIэ Гундэлэн къуажэм и кум къыщызэIуахауэ щытащ псыутх хьэлэмэт, сабий джэгупIэхэр, хъыринэхэр зыхэт жыг куэд зыхэса иджырей зыгъэпсэхупIэ. Аращ районитIым я щIалэгъуалэр хэту къызэрагъэпэща лэжьыгъэхэри щекIуэкIар.
Страницы
|
.gif)
