Печатная версия газеты "Адыгэ псалъэ" на портале СМИ КБР

Мы гъэм илъэс 30 мэхъу Урысейм и махуэр ди къэралым зэрыщагъэуврэ. 1990 гъэм и мэкъуауэ­гъуэм и 12-м РСФСР-м и ЦIыхубэ депутатхэм я езанэ съездым Урысейм и къэрал щхьэхуитыныгъэмкIэ Декларацэр къищтауэ щытащ. Абы щыгъэбыдат Урысейм и Конституцэмрэ абы щызекIуэ адрей хабзэ­хэмрэ я мыхьэнэ иныр. Абы щыгъуэ яубзыхуауэ щытащ ди къэралым зэ­реджэну цIэри - Урысей Федерацэ (кIэщIу - Урысей).

КъБР-м и ХэхакIуэ комиссэм и унафэщIым и ­къуэдзэ Джаппуев Мусэ республикэм ис журналистхэм дыгъуасэ яхутепсэлъыхьащ Урысей Федерацэм и Конституцэм халъхьэ зэхъуэкIыныгъэхэм теухуа урысейпсо IэIэтыр шынагъуэншэу къызэрызэрагъэпэщыну Iэмалхэм.

БРОД Александр, ЦIыхум и хуитыныгъэхэмкIэ советым хэт, «Граждан кIэ­лъып­лъыныгъэ» зэгухьэныгъэм и унафэщI:

Урысей Федерацэм и Конституцэм зэ­хъуэкIыныгъэхэр хэлъхьэным теухуа законым УФ-м и Жылагъуэ палатэмрэ къэралым и щIыналъэхэм я Жылагъуэ палатэхэмрэ ­хуитыныгъэ къарет IэIэтыр ще­кIуэкIкIэ кIэлъыплъакIуэу хахынухэм я кан­дидатурэхэр къыхалъхьэну икIи кIэ­лъып­лъакIуэхэр ягъэувыну.

1941 - 1945 гъэхэм екIуэкIа Хэку зауэшхуэм ди цIыхубэм къыщахьа Те­кIуэныгъэ Иным ялъэкIыр халъхьащ адыгэхэми. Бий ерум пэщIэту фронтым псэемыблэжу Iута зауэлIхэм куэду яхэтащ зы унагъуэм икIахэр, зы адэ-анэм къалъхуахэр. Апхуэдэхэм ящыщщ ­Къардэн Екъуб и къуэхэу Къанщобий, Хьэбас, Хьэсэн.

Къэбэрдей-Балъкъэрым и къалащхьэ Налшык щагъэуву хъуежьащ цIыхухэм къадэхуэ щIа­кхъуэхэр зралъхьэну контейнерхэр. КIэрыхубжьэ­рыху зэмылIэужьыгъуэ­хэм щелэжьыж Iуэху­щIапIэм и мурадщ къа­­лэдэсхэм яхуэ­мы­ш­хыу къэна щIакхъуэм унагъуэ псэущхьэхэм я Iус къыхищIыкIыну.

Къэбэрдей-Балъкъэрым и Iэтащхьэ КIуэ­кIуэ Казбек иджыблагъэ къызэхикIухьащ рес­публикэм и щIыналъэ зыбжанэ.

Республикэм и УнафэщIым зригъэ­лъэгъуащ Налшык къалэ дэт клиникэ сы­маджэщ №1-м мы зэманым къамыгъэсэ-бэп и унэмрэ абы къедза щIыпIэмрэ я щытыкIэр. КIуэкIуэ Казбек КъБР-м узын­шагъэр хъумэнымкIэ и министр Къалэбатэ Рустам и гъусэу тепсэлъыхьащ мы щIы-пIэм иджырей зэманым къезэгъ медицинэ IуэхущIапIэхэр щыухуэнымкIэ, апхуэдэуи республикэм узыншагъэр хъумэн и Iэна-тIэм адэкIи зегъэужьынымкIэ щыIэ хэ­кIы­пIэхэм.

Конституцэм халъхьэ зэхъуэкIыныгъэхэр и лъабжьэу узыншагъэр хъумэнымкIэ IэнатIэм и къэкIуэнур дывгъэубзыху

КъБР-м и Парламентым и Президиу­мым хэтхэм я зи чэзу зэIущIэ зэхэтащ. Ар иригъэкIуэкIащ Парламентым и Уна­фэщI Егоровэ Татьянэ.

ЗэIущIэм хыхьэ «Правительствэ сы­хьэ­тым» щытепсэлъыхьащ коронавирус уз зэрыцIалэм республикэр зригъэува щытыкIэ гугъум, медицинэ IуэхущIапIэхэр я лэжьыгъэм зэрыпэлъэщым, сымаджэ­хэм я узыр щхьэщызых дохутырхэмрэ абыхэм ядэлажьэхэмрэ я улахуэм ды­щIагъуну ахъшэр зэрыратым.

Егоровэ Татьянэ медицинэ лэжьакIуэхэм фIыщIэ яхуищIащ:

ВидеозэпыщIэныгъэ Iэмалхэр къагъэсэбэпри, Къэбэрдей-Балъкъэрым и ­Iэтащхьэ КIуэкIуэ Казбек хэтащ УФ-м ухуэныгъэмрэ псэупIэ-коммунальнэ хозяйствэмкIэ и министр Якушев Владимир иригъэкIуэкIа зэIущIэм.

Урысей Федерацэм и Федеральнэ Зэхуэсым ФедерацэмкIэ и Советым ­КъБР-м къыбгъэдэкIыу щыIэ сенатор Къанокъуэ Арсен зэрыжиIам тету, нэкIуIупхъуэ мини 100 ди республикэм къригъашэри, цIыхухэм пщIэншэу хуагуэшащ.